Սիռովարնյա
Երևան Հանրապետության հրապարակ

Սիռովարնյայի շեֆ խոհարար Սուսաննա Մանջիկյանն իրեն համարում է կյանքը սիրող մարդ։ Նա կարծում է, որ ամեն ինչում կա գեղեցիկը, պարզապես պետք է կարողանալ այն գտնել։Գեղեցիկը լուսավորում է մարդու հոգին և կյանքին տալիս ավելի ջերմ ու պայծառ երանգներ։

Առաջին մասնագիտությամբ Սուսաննան գեղանկարիչն է։ Նա համոզված է, որ խոհարարությունը նույնպես արվեստ է։ Կարծում է՝ խոհարարը նախ և առաջ պետք է հաճույք ստանա իր աշխատանքից, սեր և հոգի դնի յուրաքանչյուր ստեղծագործության մեջ։ Այդ սերն անպայման փոխանցվում է ուտեստին և հասնում է այն համտեսողին։

Խոհանոցում կարևոր է պահպանել առողջ ու ջերմ մթնոլորտ, աջակցել գործընկերներին, քանի որ կյանքում ամեն ինչ փոխադարձ է։ Իսկ գեղեցիկ ու համեղ ուտեստներով կարող ենք երջանկացնել մեր հյուրերին, որպեսզի նրանք մեզ մոտից հեռանան ժպիտով և ցանկանան կրկին վերադառնալ։